支持《台文通訊——30冬紀念特刊》ê有志，大家平安！

Koh 1擺感謝各位朋友對咱這本特刊hiah-nī支持kap期待，

阮製作團隊mā是kāng款真期待thang趕緊製作出版，

mā向望kā特刊盡量做kah大家攏滿意。

因為《台文通訊——30冬紀念特刊》需要整理ê資料實在是真豐富、真chē，

為著kā chia寶貴ê資料完整來呈現hō͘大家來了解，

編輯小組ê志工ùi舊年10--月底，到今年11--月，已經付出超過1冬ê時間，

一步一步，kā資料整理、數位化、校對、設計、排版，koh準備募資計畫kap贊助產品。

Chia ê時間全部lóng是志工利用家己私人ê時間來貢獻--ê。

Mā因為按呢，時間kap人力ê安排，beh做到阮家己要求ê標準，實在是無到用。

真歹勢！編輯小組無法度趕tī今年11月底進前準時kā冊寄到大家ê手頭。

阮目前已經進行到排版、排版校對ê階段，年底進前應該會完成，

明年初就會送印刷廠。廠商講印刷需要大概5 ê禮拜，

所以咱寄送ê時間會延到明年初，2022年2--月，

阮向望2月底進前會當全部寄hō͘大家。

Nā有無方便ê所在，編輯團隊koh 1擺kā大家會失禮！

向望明年2--月趕緊kā《台文通訊——30冬紀念特刊》寄hō͘大家。

阮tī寄送進前，會koh請大家確定家己ê住址、聯絡電話。

Nā有任何新ê消息，阮會koh tī嘖嘖募資平台、FB專頁等等，kap大家報告！

阮nā有製作完成ê部份，會koh kā大家通知、分享進度。

你nā有任何需求，mā歡迎kap阮連絡，

感謝每1-ê支持《台文通訊——30冬紀念特刊》ê朋友！

祝福大家，平安順序！